Astyq túsimi ortasha eseppen gektaryna 14,6 tsentnerden aınalýda- mınıstr
«Osy jyldyń qolaıly jaǵdaılary egin jınaý jumystaryn ýaqtyly bastaýǵa múmkindik berdi jáne búgingi kúni respýblıka boıynsha barlyǵy 2,2 mln gektar dándi jáne dándi-burshaqty daqyldar nemese olardyń kórsetilgen oblystardaǵy jalpy alańynyń 13,9 paıyzy jınaldy. Gektaryna orta eseppen 14,6 tsentner túsimdilikpen 3,3 mln tonna astyq bastyryldy. Jappaı egin jınaý respýblıkanyń barlyq óńirlerinde bastalǵanyn atap ótý qajet», - dedi mınıstr.
Mınıstrdiń dereginshe, bıyl aýyl sharýashylyǵy daqyldarynyń jalpy jınaý alańy 23,4 mln gektardy, onyń ishinde dándi daqyldardy jınaý alańy 16,1 mln gektardy quraıdy.
«Eger áleýmettik mańyzy bar daqyldar bólinisinde qaraıtyn bolsaq, bıdaı jınaý alańy 12,9 mln gektardy quraıdy. Onyń 1 054 myń gektary nemese 10 paıyzy gektaryna 14,4 tsentner ónimdilikpen jınaldy, 1,5 mln tonna bastyryldy», - dedi Erbol Qarashókeev.
