Astyq salasyn damytý úshin monodaqyldy qoldaýdan ketý kerek - A. Mamytbekov
TANA. 10 qazan. QazAqparat /Qanat Mámetqazyuly/ - Astyq salasyn damytý úshin salany ártaraptandyryp, monodaqyldy qoldaýdan ketý kerek.
Búgin QR Parlamenti Májilisinde «Astyq salasy: jaǵdaıy men perspektıvalary» atty taqyrypta ótken Úkimet saǵatynda Aýyl sharýashylyǵy mınıstri Asyljan Mamytbekov osylaı aıtty.
«Astyq salasyn retteýge keshendi sharalar qabyldaýdy qajet etedi. Bul rette biz kóptegen jyldar boıy monodaqyldan ketý týraly kóp aıtyp júrmiz. ıAǵnı, bizge barlyq aınalymdy damytyp, salany ártaraptandyrý kerek. Osy másele kóterilgeli birshama jyldar ótse de, biz áli kúnge tek qana bıdaıdy sýbsıdııalaýdy jalǵastyryp kelemiz. Gektaryna 300-400 teńge jumsasaq ta bundaı shara aýyl sharýashylyǵy taýaryn óndirýshiler úshin ekonomıkalyq ta, yntalandyrý rólin atqarmaıdy. Shyndyǵynda, bıýdjettiń aýqymdy qarajaty osy baǵytta jumsalyp jatyr», - dedi A. Mamytbekov.
Máselen, mınıstrdiń málimetinshe, aǵymdaǵy jyly bıdaı alqaptaryn sýbsıdııalaý mólsheri 8 mlrd. teńgege jetken.
«Biz kóbinese bólingen qarajattyń tıimdiligine nazar aýdarýymyz kerek. Sol úshin astyq sharýashylyǵyn sýbsıdııalaýdaǵy qadamdy ózgertkenimiz jón. Bizdiń óndiris maıly, burshaqty, jemshóp daqyldaryna, suranysy mol naryqqa qaraı beıimdelgeni durys», - dedi mınıstr.
