Astyq saqtaýda problema bolmaıdy - AShM
TANA. 27 qyrkúıek. QazAqparat /Marlan Jıembaı/ - Astyq saqtaýda problema bolmaıdy. Bul týraly búgin Úkimettiń selektorlyq formattaǵy otyrysynda Aýyl sharýashylyǵy mınıstri Asyljan Mamytbekov málim etti.
«Respýblıkada jalpy syıymdylyǵy shamamen 13,6 mln. tonnany quraıtyn 217 lıtsenzııalanǵan nan qabyldaý pýnkti bar. Sonymen qatar aýyl sharýashylyǵy qurylymdarynda kólemi 9 mln. tonna astyq saqtaıtyn syıymdylyq bar. ıAǵnı astyq saqtaıtyn qoımalardyń jalpy syıymdylyǵy qazirgi kúni 22,6 mln. tonnany quraıdy», - dedi ol.
Sonymen qatar mınıstrdiń atap ótýinshe, nan qabyldaý pýnktteri men aýyl sharýashylyǵy taýarlaryn óndirýshilerde astyqty ýaqytsha saqtaıtyn asfaltalǵan alańdar bar. Olar da shamamen 3 mln. tonna astyqty saqtaýǵa múmkindik beredi.
«Atap óterligi, astyqtyń negizgi kólemin biz qurǵaq ýaqytta, qurǵaq túrde jınap aldyq. 20 qyrkúıekke deıin jaýyn-shashynsyz boldy, bul astyqty qoımalarda keptirmeı-aq saqtaýǵa múmkindik berdi», - dedi A.Mamytbekov.
Onyń aıtýynsha, qazirgi tańda nan qabyldaý pýnktteri 50 paıyzǵa ǵana astyqpen toltyrylǵan. Eldiń úsh óńirindegi bos elevatorlardyń syıymdylyǵy 5 mln. tonnany quraıdy. Al endigi bastyrylatyn astyq kólemi shamamen 5 mln. tonna. «Sondyqtan astyq saqtaýda eshqandaı problema joq», - dedi mınıstr.
