Astyq saqtaý oryndarynyń jalpy saqtaý syıymdylyǵy 26,6 mln. tonnany qurady
ASTANA. QazAqparat - Qazaqstanda 204 lıtsenzııalanǵan astyq qabyldaý kásiporny jumys isteıdi. Bul týraly búgin Úkimet otyrysynda QR Aýyl sharýashylyǵy birinshi vıtse-mınıstri Qaırat Aıtýǵanov málim etti.
«Qazirgi tańda respýblıkada jalpy saqtaý syıymdylyǵy shamamen 13,8 mln. tonnany quraıtyn 204 lıtsenzııalanǵan astyq qabyldaý kásiporny jumys isteıdi. Budan basqa, aýyl sharýashylyǵy taýaryn óndirýshilerde 12,8 mln. tonna astyqqa arnalǵan saqtaý syıymdylyǵy bar. Osylaısha, qolda bar astyq saqtaý oryndarynyń jalpy kólemi 26,6 mln. tonnany quraıdy. Bul kútilip otyrǵan jańa astyq túsimin esepke alǵanda, astyq saqtaý úshin jetkilikti», - dedi Q.Aıtýǵanov.
Belgili bolǵandaı, aǵymdaǵy jylǵy 1 shildedegi jaǵdaı boıynsha respýblıkanyń astyq qabyldaý kásiporyndarynda 1,6 mln. tonnadan astam astyq saqtalýda. Onyń ishinde, negizgi egin egetin úsh oblystyń astyq qabyldaý kásiporyndarynda 1,4 mln. tonna astyq saqtaýda. ıAǵnı, Aqmola oblysy - 536,5 myń tonna, Qostanaı oblysy - 391,5 myń tonna, sondaı-aq Soltústik Qazaqstan oblysy 488,6 myń tonnany saqtap otyr.
Mınıstrlik málimetinshe, 2016 jyly barlyq aýyl sharýashylyǵy daqyldarynyń egis alańy 21,7 mln. gektardy qurady, onyń ishinde dándi daqyldar - 15,2 mln. gektardy, bıdaı 12,2 mln. gektardy quraıdy. Maıly daqyldar 1,9 mln. gektar, jemshóptik daqyldar - 4,0 mln. gektar, maqta - 109,3 myń gektar, qant qyzylshasy - 12,1 myń gektar, kartop pen kókónis baqsha daqyldary tıisinshe 183,7 jáne 230,0 myń gektar alqapta ornalastyryldy.
Bul rette, 2015 jylmen salystyrǵanda bıdaıdyń alańy 441,4 myń gektarǵa, dándi-burshaqty daqyldar alańy 26,3 myń gektarǵa, maqta alańy 10,1 myń gektarǵa, qant qyzylshasy 2,7 myń gektarǵa ulǵaıdy.
