Astyq saqtaý qoımalarynda 9,3 mln. tonna astyq saqtalyp otyr
ASTANA. 29 mamyr. QazAqparat - Statıstıka agenttiginiń derekteri boıynsha aǵymdaǵy jyldyń 1 mamyryndaǵy jaǵdaı boıynsha respýblıkanyń astyq saqtaý kásiporyndarynda shamamen 9,3 mln. tonna astyq bar.
Bul týraly búgin Aýyl sharýashylyǵy mınıstrliginde ótken brıfıng barysynda málim boldy.
Mınıstrlik málimetterine sáıkes, qazirgi kezde respýblıkada jalpy saqtaý kólemi 13,9 mln. tonnany quraıtyn 221 lıtsenzııalanǵan astyq qabyldaý kásiporyndary bar. Budan basqa, aýyl sharýashylyǵy qurylymdarynda 9,0 mln. tonnalyq saqtaý qýatynyń qoımalary bar. Osylaısha, astyqtyń aǵymdaǵy jalpy saqtalý kólemi 22,9 mln. tonnany quraıdy.
Bul rette mınıstrlik astyq qoımalary bar kóptegen jeke kompanııalardyń jańa qoımalaryn salýdy jáne qoldanystaǵylaryn kúrdeli jóndeýdi júrgizýdi qarjylandyrýǵa qarajaty joqtyǵyn atap ótedi.
«Al astyq defıtsıti bolǵan jaǵdaıda ishki naryqty turaqtandyrý, un men nannyń baǵasynyń joǵarylaýyna jol bermeý úshin «Azyq-túlik kelisim shart korporatsııasy» AQ-nda 1,5 mln. tonnadan kem emes ári azaımaıtyn astyq qory bolýy kerek. Qazirge kezde «Azyq-túlik kelisim shart korporatsııasy» AQ enshiles kásiporyny «Astyq koımalary» JShS astyq bazalarynyń syıymdylyǵy tek 538 myń tonnany quraıdy», - delingen baspasóz aıǵaǵynda.
