Astyq pýlyn qurý jańa ınvestıtsııalyq jobalarǵa múmkindik beredi - V.ıAsınskıı
ALMATY. Qańtardyń 28-i. QazAqparat /Erbol Azanbek/- Qazaqstan, Reseı men Ýkraına arasynda astyq pýlyn qurý arqyly biz bolashaǵy mol jańa ınvestıtsııalyq jobalarǵa qol jetkize alamyz. Bul baǵytta Qazaqstanda Eýrazııalyq damý banki (EADB) tarapynan eldiń eksporttyq áleýetin ulǵaıtý baǵytynda birneshe joba qarjylandyryldy.
Bul týraly EADB-niń basqarma múshesi jáne saraptama jónindegi dırektory Vladımır ıAsınskıı búgin Almatyda jýrnalıstermen kezdesýi barysynda aıtty, dep habarlaıdy QazAqparat.
«Bizdiń ınvestıtsııalyq qorjynymyzda Qazaqstannyń agrokesheniniń úlesi artyp keledi. Jalpy soma kólemi 150 mıllıon dollardan, nemese bizdiń ınvestıtsııalyq qorjynymyzdyń 12 paıyzynan asty», dedi V.ıAsınskıı. Onyń aıtýynsha, astyq pýlynyń qurylýy EADB úshin qosymsha ınvestıtsııalyq jobalardy beredi.
«Qazaqstan men Reseı, Ýkraına aldynda turǵan negizgi máseleniń biri astyq eksportynyń ınfraqurylymyn jetildirý, ıaǵnı elevatorlar men termınaldardyń kúshin arttyrý. Bul kólemdi ınvestıtsııalar degen sóz. Sondyqtan, ony ortaq kúsh biriktire otyryp júzege asyrǵan óte oryndy», deıdi EADB basqarma múshesi.
