Astyq naryǵyn retteýge baǵyttalǵan zań jobasy ázirlený ústinde - A. Mamytbekov
TANA. 30 qarasha. QazAqparat /Qanat Mámetqazyuly/ - 2012 jyldyń zań jobalaý jumystaryna sáıkes, Aýyl sharýashylyǵy mınıstrligi «Qazaqstan Respýblıkasynyń keıbir zańnamalyq aktilerine astyq naryǵyn retteý máseleleri boıynsha ózgerister men tolyqtyrýlar engizý týraly» zań jobasyn ázirleýde.
Bul zań jobasy astyq qabyldaý kásiporyndarynyń astyq qorlaryn ustaýshylar aldyndaǵy azamattyq-quqyqtyq jaýapkershiligin saqtandyrýdy jáne astyq qabyldaý kásiporyndaryn lıtsenzııaaý sharttaryn aıqyndaıdy. Bul týraly búgin QR Parlamenti Senaty depýtattarymen kezdesýi barysynda Aýyl sharýashylyǵy mınıstri Asyljan Mamytbekov málim etti.
Mınıstrdiń aıtýyna qaraǵanda, atalǵan zań jobasy boıynsha elektrondyq astyq qolhattary júıesin engizý de kózdeledi. Budan bólek, memlekettik astyq resýrstarynyń astyǵyn qalyptastyrý jáne paıdalaný, onyń ishinde mal jáne qus sharýashylyǵy salalarynyń azyq astyǵyna qajettilikterdi qamtamasyz etý tetikteri jetile túsetin bolady.
«Qazirgi tańda agroónerkásip keshenin qoldaýdyń jańa baǵyttary ázirlenýde. Onyń ishinde birqatar baǵyttar zańnamalyq deńgeıde qoldaýdy talap etedi. Atap aıtqanda, aýyl sharýashylyǵy tehnıkasyn jańartýǵa arnalǵan lızıngtik arzandatý tetikteri qamtylýy shart. Sonymen qosa, aýyl sharýashylyǵy ónimin satyp alýdy kepildi túrde qamtamasyz etý, sondaı-aq egis pen egin jınaý jumystaryn júrgizý úshin kredıttik qoljetimdilikti zańnamalyq qamtýdyń mańyzy zor», - deıdi mınıstr.
