Astyq qunynyń sál ǵana kóterilýi nan baǵasynyń birden ósýine ákelmeıtindigin túsiný qajet - «QazAgro» basshysy
ASTANA. Tamyzdyń 16-sy. QazAqparat /Marlan Jıembaı/ - Astyq qunynyń sál ǵana kóterilýi nan baǵasynyń birden ósýine ákelmeıtindigin túsiný qajet. Bul týraly búgin Úkimet úıinde QR Premer-Mınıstriniń birinshi orynbasary Ómirzaq Shókeevtiń tóraǵalyǵymen ótken selektorlyq keńes barysynda «QazAgro» UBH» AQ basshysy Asyljan Mamytbekov málim etti.
Onyń aıtýynsha, qazirgi ýaqytta kompanııa menshiginde turǵan astyq onyń baǵasynyń kóterilý jaǵdaılaryn turaqtandyrýǵa jeterlik dep aıtýǵa bolady. «Sondyqtan da biz qazir qabyldanatyn sharalardyń arqasynda búkil Qazaqstan boıynsha nan baǵasyn tolyq turaqtandyramyz dep sendire alamyz», dedi ol.
Alaıda A.Mamytbekov qazirgi nannyń baǵasy 2008 jyly astyq qunynyń kóterilgen kezinde qalyptasqandyǵyn alǵa tartady. «Ol kezde astyq baǵasy 3 esege deıin ósip, 1 tonnasy 350 dollardan bolsa, jýyq arada 80 dollarǵa deıin tómendedi. Al unnyń baǵasy 2 esege deıin tústi. Alaıda sodan beri nannyń baǵasy ózgergen joq. Osy uzaq ýaqyt boıy búkil tizbektegi un shyǵaratyn, nan pisiretin kásiporyndar jáne ony satatyn mekemeler kóbirek rentabeldilik alyp júrdi. Sondyqtan astyq qunynyń sál ǵana kóterilýi nan baǵasynyń birden kóterilýine ákelmeıtindigin túsiný qajet», dedi ol óz sózinde.
Bul oraıda «QazAgro» basshysy elimizdiń ár aımaǵyndaǵy ákimdikter óz deńgeıinde tıisti memorandýmdar qabyldap, ishki rezervterin jumys istetýi qajet degen oıyn alǵa tartty.
