Astyq qolhattarynyń memlekettik elektrondyq tizilimi júzege asatyn bolady - Zań jobasy
Zań jobasy boıynsha elektrondyq astyq qolhattary júıesi men astyq qabyldaý nemese maqta óńdeý uıymyn ýaqytsha basqarýdy jetildirýdi kózdeledi. Atap aıtqanda, laýazymdy adamdar tarapynan sharýashylyq júrgizýshi sýbektilerdiń qyzmetine aralasýdyń zańdylyǵy men negizdiligin qamtamasyz etý qarastyrylady. Osy maqsatta zań jobasynda sottyń astyq qabyldaý kásipornyna nemese maqta óńdeý uıymyna ýaqytsha basqarý engizý kózdeledi.
«Qazaqstan úshin astyq óndirý - dástúrli jáne mańyzdy sala. Munyń damýy nan óniminiń qoljetimdiligi men jalpy agroónerkásip kesheniniń jaǵdaıyn aıqyndaıdy. Osy baǵytta birqatar sharalar qabyldandy. Máselen, eki jyl boıy astyq qolhattary erkin aınalymda júr jáne olar ıkemdi qural bolyp tabylyp, aýyl sharýashylyǵyna ınvestıtsııa tartýǵa múmkindik beredi. Osy baǵytty jetildirý úshin zań jobasy engizilip otyr», - deıdi Aýyl sharýashylyǵy mınıstri Asyljan Mamytbekov.
Onyń aıtýynsha, astyq qolhattary memlekettik elektrondyq tizilimniń júıesine enetin bolady. Osy maqsatta astyq qolhattary aınalymynyń ashyqtyǵyn jáne ishki naryqtaǵy astyq aınalymyn taldaýdy qalyptastyrýdy qamtamasyz etý normalary engiziledi. «Astyq qolhattarynyń qazirgi qoldanystaǵy júıesi qambalardaǵy astyqty qadaǵalaý úshin tıimdi bolmaı otyr. Shyn máninde astyqtyń esebin tıimdi túrde júrgizý máseleleri astyq qabyldaý kásiporyndary qyzmetkerleriniń jáne onyń basshylarynyń adaldyǵyna táýeldi bolyp otyr. Sondyqtan da, olqylyqtarǵa jol bermeý úshin astyq qolhattarynyń elektrondyq memlekettik tizilimin júrgizý bolyp tabylady», - dedi A. Mamytbekov.