Astyq qabyldaıtyn 6 kásiporynda 85 myń tonna astyq jetispeýshiligi anyqtaldy - AShM
ASTANA. 9 sáýir. QazAqparat - Aǵymdaǵy jyldyń úsh aıynda astyq qabyldaý kásiporyndarynda júrgizilgen tekseris barysynda 6 kásiporynnan 85 myń tonna astyq jetispeýshiligi anyqtaldy. Bul týraly búgin Aýyl sharýashylyǵy mınıstrliginde ótken brıfıng barysynda Agroónerkásip keshenindegi memlekettik ınspektsııa komıteti tóraǵasynyń orynbasary Almabek Mars málim etti.
Komıtet tóraǵasynyń aıtýynsha, astyq qabyldaý kásiporyndaryna tekserý jumystary áli aıaqtalǵan joq. Degenmen, 6 kásiporyn boıynsha anyqtalǵan astyq jetispeýshilikten keletin shyǵyn 3,4 mlrd. teńgeni quraıdy. «Bunyń ishinde 64 myń tonnasy «Azyq-túlik kelisimshart» korporatsııasyna qarasty memlekettik astyq resýrstaryna tıesili astyq bolsa, qalǵan 21 myń tonnaǵa jýyǵy sharýa qojalyqtaryna tıesili», - deıdi A. Mars.
Onyń sózine qaraǵanda, astyq jetispeýshiligi anyqtalǵan eki kásiporyn Shyǵys Qazaqstan oblysynda ornalasqan. Onyń biri «Predgornenskıı elevator» JShS-nen 47 myń 477 tonna astyq jetispeıdi jáne onyń barlyǵy derlik memlekettik astyq resýrsyna qarasty bolyp tabylady. Atalǵan kásiporynnyń keltirgen shyǵyny 1 mlrd. 899 mln. teńgege baǵalanyp otyr. Ekinshi astyq qabyldaý kásiporny «Bel-aǵash MKK» JShS kásiporny bolyp otyr. Ondaǵy astyq jetispeýshilik 15 myń tonnany qurap, shyǵyny 617 mln. teńgege jetedi.
Eske salsaq, 2012 jyly tekseris barysynda astyq qabyldaý kásiporyndarynan 57 myń 272 tonna astyq jetispeýshiligi anyqtalǵan bolatyn. Ondaǵy agronóerkásip keshenine kelgen shyǵyn 2,3 mlrd. teńgeni quraǵan edi.
