Astyq qabyldaý kásiporyndaryna ınspektorlardyń tekserisin kúsheıtý qajet - AShM

ASTANA. 9 sáýir. QazAqparat - Astyq qabyldaý kásiporyndaryna ınspektorlardyń tekserisin kúsheıtý qajet. Bul týraly búgin Aýyl sharýashylyǵy mınıstrliginde ótken brıfıng barysynda Agroónerkásip keshenindegi memlekettik ınspektsııa komıteti tóraǵasynyń orynbasary Almabek Mars málim etti.

«Qazirgi kúni memlekettik baqylaý jáne qadaǵalaýdyń qoldanystaǵy zańnamasyna sáıkes, biz elevatorlarǵa alty aıda bir ret qana josparly tekseris jasaı alamyz. Al álgi qadaǵalaýsyz qalǵan basqa alty aıda astyq qabyldaý kásipornynyń basshylary astyqty qymbat baǵamen satý arqyly óz paıdasyn júzege asyrady. Onyń basym bóligi memlekettik resýrstaǵy astyqtar», - deıdi A. Mars.

Osyǵan oraı, Aýyl sharýashylyǵy mınıstrliginiń mamandary astyq qabyldaý kásiporyndarynda bolatyn josparly tekseristi aıyna bir ret júrgizý qajettigin alǵa tartady.