Astyq elevatorlaryn jekemenshik kompanııalar salýy tıis-A. Mamytbekov
TANA. 19 qyrkúıek. QazAqparat /Rýslan Ǵabbasov/ - Elevatorlardy jekemenshik kompanııalar salýy tıis. Bul týraly búgin Parlament Májilisinde Aýyl sharýashylyǵy mınıstri Asyljan Mamytbekov aıtty.
«Bıyl aýa-raıy bizge qolaıly bolyp otyr. Astyq qyrmanǵa quǵaq kúıinde túsip jatyr»,-dedi mınıstr. Onyń paıymdaýynsha, astyqtyń qurǵaq bolýyna baılanysty onyń ashyq aspan astynda qalsa da, munda tehnologııalyq qaýip-qater joq kórinedi. «Eń bastysy astyq qurǵaq bolýy tıis. Eger onyń ylǵaldylyǵy 14 paıyzdan tómen bolsa, jyl boıy ashyq aspan astynda saqtala alady. Budan buryn osylaı bolǵan-tuǵyn. Endi biz bul máseleni sheshkenshe osylaı shamaly ýaqyt bolýy múmkin»,-dedi A. Mamytbekov.
Vedomstvo basshysynyń sózine qaraǵanda, elevatorlardy jekemenshik kompanııalar salýy tıis. «Atap aıtqanda, 100 myń gektar jáne odan kóp kólemde astyq salsa da, olardyń keıbireýinde elevatorlar joq»,-dedi mınıstr.
Mınıstrdiń aıtýynsha, elevator syıymdylyǵy jetispeıtin óńirler boıynsha 2009 jyldan beri júıeli sharalar qabyldandy. 1,5 jyldyń ishinde 500 myń tonnaǵa jýyq qoımalar salyndy. Bul turǵydaǵy problema shamamen 2-3 jyldan keıin sheshilmek. Astyq sebetin negizgi 3 oblysqa 1,5 mln. tonna kóleminde elevatorlyq qýattylyq jetispeıdi.
