Astyq eksportynyń shyǵyndaryn sýbsıdııalaýǵa qosymsha 15 mlrd. teńge bólinedi

Bul týraly búgin Aýyl sharýashylyǵy mınıstrliginde ótken brıfıng barysynda «Agroónerkásip keshenindegi ekonomıkalyq saıasatty taldaý ortalyǵy» JShS dırektory Saǵyntaı Jumajanov málim etti.

Toqtala ketetin jaıt, 2011-2012 marketıngtik jyldyń kórsetkishterine sáıkes astyq eksportynyń rekordy boldy. Mamandardyń pikirinshe, eksporttyq astyq kórsetkishiniń artýyna onyń eksporttyq tasymaldaryndaǵy kólik shyǵyndaryn sýbsıdııalaý óz septigin tıgizgen. Máselen, 2011-2012 jyldary astyq eksportyn qoldaý úshin 15 mlrd. teńge qarajat bólinip, kólik shyǵyndarynyń sýbsıdııasy tonnasyna 6 myń teńgeni (40 dollar) qurady.

«Jalpy alǵanda sýbsıdııalaý arqyly eksportqa jóneltilgen astyq 2,5 mln. tonnadan astam boldy. Budan bólek, Qazaqstan Respýblıkasy Ekonomıkany jańǵyrtý máseleleri jónindegi memlekettik komıssııanyń sheshimimen astyq eksportyna qatysty kólik shyǵyndaryn sýbsıdııalaýǵa qosymsha 15 mlrd. teńge qarastyrylatyn bolady», - deıdi Saǵyntaı Jumajanov.

Onyń aıtýynsha, atalǵan qarajat astyq eksportyna qatysty kólik shyǵyndarynyń sýbsıdııasyn tonnasyna 4 myń teńgeni nemese 25 dollardy quraıtyn bolady. Bul qarajatqa 3,75 mln. tonna astyqty eksporttaý kózdeledi.