Astyq eksportyn 9 mln. tonnaǵa jetkizýge áleýet jetkilikti
ASTANA. QazAqparat - Bıyl astyqty satyp alýda baǵa dálizi ónimniń sapasyna qaraı kóterildi. Bul týraly búgin Úkimet otyrysynda QR Aýyl sharýashylyǵy birinshi vıtse-mınıstri Qaırat Aıtýǵanov málim etti.
Mınıstrlik derekterine qaraǵanda, jalpy alǵanda astyqtyń jalpy jıyny býnkerlik salmaqta 22 mln. tonnadan astam kólemde boljanýda. Aldyn ala málimetterge sáıkes, tazalanǵannan keıingi jalpy túsim 21 mln. tonna deńgeıine boljanýda, bul elimizdiń ishki qajettigin qamtamasyz etýge jáne eksport áleýetin 9 mln. tonnaǵa jetkizýge jetkilikti. Shamamen 1,7 mln. tonna dándi daqyldardyń tuqymy daıyndaldy, bul qajettiliktiń 81 paıyzyn quraıdy.
«Qazirgi ýaqytta «Azyq-túlik kelisim-shart korporatsııasy» UK» AQ astyq satyp alý boıynsha óz baǵalaryn jarııalady. Kompanııanyń astyq kommertsııalyq resýrstaryna satyp alynatyn astyqqa kelesi baǵalar belgilendi: 3-synypty bıdaıdyń tonnasyna - 41 000-den 50 000 teńgege deıin, 4-synyp - 34 000-nan 36 000 teńgege, 5-synypty bıdaıǵa - 30 000 teńge jáne 2-synypty arpanyń tonnasyna - 25 000 teńge. Osy rette, bıylǵy egin jınaý kezeńinde Korporatsııa astyqty satyp alýda baǵa dálizin sapasyna qaraı kótergenin atap ótý kerek»,-dedi Q. Aıtýǵanov.
