Astronomdar jerge uqsas ǵalamshar tapty
ASTANA. QazAqparat - NASA-nyń astronomııalyq «Kepler» jerserigi Aıdahar juldyzdar shoǵyrynan qatty ǵalamshar tapty, onyń salmaǵy Jerden 17 ese úlken, dep jazady Day.az.
AQSh, Shveıtsarııa, Ulybrıtanııa, Italııanyń astronomdar toby tapqan ǵalamshar Kepler-10s ataýyn aldy. Kanar araldaryndaǵy Palma aralynda ornatylǵan teleskop kómegimen ǵalamshar týraly qosymsha derekter jınaý múmkindigi týdy. Onyń jasyn zertteýshiler 11 mlrd. jyl (Jerdiń jasy - 4,5 mıllıard jyl) dep baǵalady.
Ol Jerden sáýlelik 560 jaryq jyl qashyqtyqta ornalasqan, onyń dıametri 29 myń shaqyrym, juldyz mańyndaǵy aınalymy 45 jer táýligine teń. Kepler-10s betindegi tartylys kúshi Jerdegi tartylys kúshinen úsh ese artyq.
Ǵalamshardyń ereksheligi - salmaǵy aýyr jáne qatty jynystan turady. Kremnıı, temir jáne basqa da elementteri bar. Budan buryn mundaı massadaǵy ǵalamsharlarǵa ıÝpıter, Satýrn sııaqty gazdy alyptar jatqan. Alynǵan málimetterdi esepke alǵan ǵalymdar Kepler-10s ǵalamsharda qandaı da bir tirshilik belgisi bolýy múmkin atmosferasy bar ekenin aıtýda.
"Mundaı ǵalamsharlardyń bolýy jer júzinde ómir qalaı damyǵandyǵyn zertteýge jańa múmkindikter ashady", - deıdi ǵalamshardy zertteý jobasyna qatysqan Jeneva ýnıversıtetiniń qyzmetkeri Stefan Ýdrı.
