Qus jolynyń qaq ortasynan belgisiz ǵalamshar tabyldy

ASTANA. KAZINFORM — Astronomdar Qus jolynyń qaq ortasynan Satýrnǵa uqsas ǵalamshardy tapty. Bul týraly Science jýrnalyndaǵy ǵylymı maqalada aıtyldy, dep habarlaıdy Report.

Bul aspan denesi Jerden 9900 jaryq jyly qashyqta jáne mergen shoqjuldyzynda ornalasqan. Onyń ashylýy iri planetalar óte sırek jaǵdaıda olardy týdyrǵan juldyzdyq júıelerden shyǵarylýy múmkin ekenin rastady. 

Bul jańalyqty OGLE jobasy aıasynda Varshava ýnıversıteti observatorııasynyń (Polsha) dırektory Andjeı Ýdalskı bastaǵan astronomdar toby ashty.

Ǵalymdar jaqyn jáne kózge kórinbeıtin zattar týdyratyn gravıtatsııalyq mıkrolınzalardy izdeýmen aınalysqan. Astronomdar kóbine «jalǵan planetalar» dep atalatyn óte kúńgirt jáne sýyq aspan denelerin tapqan.

Olardyń naqty qalaı paıda bolǵany jáne tabıǵaty anyqtalmady. Ǵalymdardyń bir bóligi olardy kúrdeli gravıtatsııalyq ózara árekettesý nátıjesinde ózderiniń juldyzdyq júıelerinen tys shyǵarylǵan úlken ǵalamsharlar dep atasa, basqa zertteýshiler salmaǵy óte az «sátsiz» juldyzdar dep sanaıdy.

Aıta keteıik, buǵan deıin astronomdar Jerden 18 jaryq jyly qashyqtyqtan ekzoplaneta tapty.