Astronomdar Aıdyń naqty jasyn anyqtady

Zertteý málimetterine qaraǵanda, onyń jasy budan burynǵy derektermen salystyrǵanda edáýir úlken.

Ǵylymı joramaldardyń birinde bizdiń planetanyń serigi qalaı paıda bolǵany aıtylady. Oǵan sáıkes, Jerge Marstyń kólemindeı ǵaryshtyq nysan soqtyǵysqannan keıin Aı qalyptasqan.

Jer seriginiń paıda bolýy ýaqyty ǵalymdar arasynda júzdegen jyldar boıy daýly máselege aınaldy. Keıbir mamandardyń paıymynsha, Aıdyń qalyptasýy Kún júıesi paıda bolǵannan keıin 30 mln. jyldan soń ǵana oryn aldy. Al ózge ǵalymdar bul qubylys 100 mln. jylǵa keıinirek bolǵanyn alǵa tartýda.

Jer qoınaýyna júrgizilgen ólshemder taldaýy men kompıýterlik modeldeý sharalary osy oqıǵalardyń tarıhyn dálirek aıqyndaýǵa kómektesken eken. Osy oraıda ǵaryshtyq nysanmen soqtyǵysýdan keıin Jer salmaǵynyń ózgerýiniń merzimin anyqtaýǵa múmkin boldy.

Esepteýlerge qaraǵanda, bul qubylys 4,51 mlrd jyl buryn oryn alyp, Jer serigi osy kezde qalyptasty, dep jazady Ýtro.rý. 2011 jyly Aıdyń jasy 4,36 mlrd jylǵa baǵalanǵan edi.