Astrologtar: 2013 jyly úılenýge eń jaqsy kún - 7 qyrkúıek
ASTANA. 28 shilde. QazAqparat - Dat astrologtary 2013 jyly úılenýge eń jaqsy kúndi atady, dep habarlady Rosbalt.
The Copenhagen Post basylymynyń jazýynsha, sarapshylar 7 qyrkúıek kúni, senbide, saǵat 10-:35-te nekege otyrýǵa keńes beredi.
Naq osy kezde Mars pen Sholpan aspanda belgili bir qalypta ornalasady, al olardyń áseri otbasyn quratyndarǵa ıgi yqpal etedi. Mars pen Sholpan juldyzdary erler men áıelder sezimin bildiretindikten, súıip qosylǵandardyń uzaq ta baqytty otbasylyq ǵumyr keshýine kepildik beredi degen senim bar.
Óz kezeginde jergilikti ókimet oryndary osy kúni aktsııa uıymdastyryp, aldyn ala kelip, aryz bermeı-aq úılenýshilerge múmkindik týǵyzbaq. Sheneýnikterdiń aıtýynsha, olar astrologtardyń yrymdaryn qoldaıdy, astrolog mamandarynyń osy ıdeıalarynyń ózi de qoldaýǵa turarlyq.
Degenmen olardy shirkeý qoldamaı otyr. Aı kúntizbesi boıynsha bul kún neke qııýǵa qolaısyz dep esepteledi.
