Astrahandyq dombyrashy Reseıdegi halyqaralyq konkýrsta jeńimpaz atandy
ASTANA. QazAqparat - Astrahandyq dombyrashy Nursultan Saryev Cheboksaradaǵy «Ulttyq ıgilik - 2018» IX halyqaralyq konkýrsynda laýreat atandy, dep habarlaıdy QazAqparat RF-tegi QR Elshiliginiń saıtyna silteme jasap.
Jarysqa Reseıdiń 20 óńirinen, sondaı-aq Germanııa, Taıland, Qazaqstannan eki myńnan astam adam qatysty.
Astrahandyq dombyramen Qurmanǵazynyń kúıin shertip, «Aspaptyq óner» nomınatsııasyna qatysty. Ol óz nomınatsııasynan 40 mýzykantty basyp ozdy.
Gnesınder atyndaǵy Reseı mýzyka akademııasy Іshekti halyq aspaptary kafedrasynyń dotsenti Inna Gýnına bastaǵan qazylar alqasy astrahandyq mýzykanttyń ónerine joǵary baǵa berdi. Oǵan kýbok, jeńimpaz dıplomy jáne I dárejedegi laýreat dıplomy tabys etildi.
Nursultan Saryev Astrahandaǵy kózi nashar kóretin múgedekterdi áleýmettik-mádenı saýyqtyrý ortalyǵy-kitaphanasynyń kórkemónerpazdar múshesi.
