Astrahanda Reseı gvardııasy beketine shabýyl jasaǵandardyń polıtseıler ólimine qatysy bar
ASTANA. QazAqparat - Astrahanda Reseı gvardııasy beketine shabýyl jasaǵandardyń 4 sáýirdegi eki polıtseıdiń ólimine qatysy bar. Kózi joıylǵan shabýyl jasaýshy bul is boıynsha izdeý jarııalanǵandardyń biri bolyp shyqty, dep habarlady RIA Novostı RF Tergeý komıteti óńirlik basqarma basshysynyń aǵa kómekshisi Andreı Hegaıǵa silteme jasap.
"Astrahandaǵy Lenın aýdany, Latyshev kóshesinde júrgizgen jedel-izdestirý sharalary barysynda 4 sáýir kúni túnde jol-patrýl qyzmetiniń eki qyzmetkerin óltirgen tulǵalar anyqtaldy. Qarýly qaqtyǵys saldarynan quqyq qorǵaý organdarynyń úsh qyzmetkeri jaralanyp, bir shabýyl jasaýshynyń kózi joıyldy», - dedi ol.
"Atys kezinde ózge shabýyl jasaǵandar jasyrynyp úlgergen jáne quqyq qorǵaý organdary qyzmetkerleriniń qarýyn alyp ketken. Kózi joıylǵan qaskóı buryn izdeý jarııalanǵan kúdiktilerdiń biri bolyp shyqty», - dep tolyqtyrdy ol.
Oqıǵa ornynda Astrahan oblysy TK basshysynyń jetekshiligimen jedel-tergeý toby jumys isteýde.
