Astrahan oblysyndaǵy Bókeı han kesenesi týrıs­terdiń izgilik jolyna aınalýy ábden múmkin

dep habarlady QR Mádenıet mınıstrliginiń baspasóz qyzmetinen.

Vedomstvonyń atap ótýinshe, keseneniń ashylý saltanatyna Atyraý oblysynyń ákimi Bergeı Rysqalıev, Astrahan oblysynyń gýbernatory Aleksandr Jılkın, QR-nyń RF-daǵy Tótenshe jáne Ókiletti Elshisi Zaýytbek Turysbekov, QR Mádenıet vıtse-mınıstri Ǵazız Telebaev qatysty.

Shara barysynda sóz alǵan mádenıet vıtse-mınıstri: «Bizdińshe, Bókeı han bóten elde emes, bir kezderi ózi qolymen qurǵan irgeli or­danyń qasıetti jerinde, qalyń qazaqtyń ortasyn­da jatyr. Onyń ústine, el aý­zyndaǵy derek bo­ıynsha, Bókeı han ózin naq osy jerge - Seıit babanyń ja­nyna jerleýdi amanat etipti. Mine, sondyqtan da ótken jylǵy qyrkúıekte Qazaqstan­nyń Reseıdegi Tótenshe jáne Óki­letti elshisi Zaýytbek Turys­bekov Elba­symyz Nursultan Nazarbaevtyń tapsyrmasymen As­trahan ob­lysynda issaparda bolyp, oblys gýbernatory A.Jıl­kınmen kezdesýi barysynda Bókeı handaı uly babanyń ba­syna kórnekti kesene turǵyzý jóninde ýaǵdalastyqqa qol jetkizildi», - dep atap ótti.

Onyń aıtýynsha, óńirdegi eljandy azamattar­dyń alǵa qoıǵan bul saýapty isi oblys ákimi Bergeı Rysqalıev tarapynan qoldaý tapty. Bókeı han kesenesin turǵyzýǵa eleýli qarjylaı kómek kórsetip, atqarylatyn jumystardy ózara bólisip, iske bilek túre kirisken metsenattar toby quramynda Senat depýtaty Sársenbaı Eńse­genov, Máji­lis depýtaty Bolat Qonarbaı, aty­raýlyq belgili ká­sip­kerler Aman­jan Rys­qa­lı, Aman­geldi Barakatov, Ábdibek Bısenov, Oryn­ǵalı Ál­­­­dekenov, Murat Jákibaev, Ádil Ju­manov syn­dy naǵyz otanshyl, el­jan­­dy aǵa­ı­yndar bol­ǵanyn búgin asa iltıpatpen ataý­ǵa bolady.

«Jurt­shylyqtyń yqylas-nıe­tine qa­raı Bókeı han kesenesin kóterý arqyly biz eki el arasyndaǵy dostyq baılanys­tardy bu­rynǵydan da bıiktete túske­nimizdi sezindik. Óıt­keni kóp uza­maı bul aımaq zııarat etýshilerdiń, basqa da týrıs­terdiń izgilik jolyna aınalady. Seıit babanyń, Bókeı han­nyń rýhyna taǵzym ete kelgen zııarat­shy qaýym Altynjardaǵy Qurman­ǵazy kesenesine qaıyrylatyny, oblys orta­ly­ǵyndaǵy Qurmanǵazy eskertkishine baratyny, sóıtip eki elge de tıimdi ja­ńa týrıstik marshrýt ashylatyny sózsiz», - dep atap kórsetti Ǵ.Telebaı.