Astrahan oblysynda Qazaqstan-Reseı oqý-jattyǵýlary ótedi
ASTANA. QazAqparat - 5-8 qyrkúıek aralyǵynda RF, Astrahan oblysynda Astrahan - Krasnyı ıAr - Qazaqstan Respýblıkasynyń shekarasy kúre jolynda tótenshe jaǵdaı kezinde avtokólikterdiń qaýipsiz qozǵalysyn qamtamasyz etý boıynsha birlesken oqý-jattyǵýlar ótedi.
Bul jaıly Qazaqstan Respýblıkasynyń Reseı Federatsııasyndaǵy Elshiligi málimdedi.
Sharany ótkizýdegi maqsat - tótenshe jaǵdaılar kezindegi arnaýly qyzmetterdiń shuǵyl áreketterin tekserýden ótkizý. Oǵan eki eldiń atqarýshy bılik organdary, TJM jáne ІІM-niń óńirlik qurylymdary, shekarashylar, áskerıler, medıtsına qyzmetkerleri - jalpy 50 adam qatysty.
«Rosavtodor» mundaı oqý-jattyǵýlardy sońǵy bes jylda turaqty túrde ótkizip keledi. «Kaspıı» federaldyq avtomobıl joldary basqarmasynyń bastyǵy Sergeı Şerbaktiń aıtýynsha, mundaı sharalar tótenshe jaǵdaılar kezinde barlyq arnaýly qyzmetterdiń úılese qımyl jasaý tájirıbesin arttyrady.
