Astrahan oblysynda qaıyq aýdarylyp, úsh bala sýǵa ketti
ASTANA. QazAqparat - Astarahan oblysyndaǵy Býzan ózeninde balalar mingen qaıyq aýdarylyp, úsh bala sýǵa batyp ketti, dep habarlaıdy REN TV telearnasy.
Anyqtalǵandaı, Mazgar Asanov esimdi adam qaıyqty urlap alyp, oǵan jeti balany mingizip alǵan. Jaǵadan 10-15 metr jer alystaǵannan keıin qaıyq aýdarylyp, úsh bala sýǵa ketken. Qalǵandary jaǵaǵa óz betterimen shyǵa aldy. Oqıǵa bolǵan ýaqytta er adam esirtkige elitip alǵan bolýy múmkindigi de joqqa shyǵarylmaıdy.
Qazirgi ýaqytta 15 jastaǵy qyz balanyń denesi sýdan shyǵaryldy. Taǵy eki balanyń múrdesin boljam boıynsha, sý aǵyzyp áketken.
Qarastyrylyp jatqan nusqalardyń biri, balalardyń sýda júzý quralynda qaýipsizdikti saqtamaýy.
«Eki nemese odan kóp adamdy abaısyzda óltirip alý» baby boıynsha qylmystyq is qozǵaldy.
Foto: TASS
