Astrahan mańynan úsh quıryǵy bar mysyq tabyldy

ASTANA. QazAqparat - Astrahan oblysy Ahtýbınsk qalasynyń turǵyny Svetlana Bırılıýk You Tube jelisindegi kanalyna úsh quıryǵy bar mysyqtyń vıdeosyn jarııalady.

Ýaqyty bir mınýttan asatyn rolıkte áıel mysyqty shaqyryp jatyr. Mysyq jaqyndaǵanda onyń úsh quıryǵy bar ekenin baıqaýǵa bolady.

"Senbeısizder, alaıda mysyqtyń úsh quıryǵy bar. Olar qozǵalady", - deıdi kadrdan tys buǵan tańdanǵan vıdeorolık avtory.

Úsh quıryǵy bar mysyq beınelengen vıdeo keń tarap, bir kúnniń ishinde birneshe myńnan astam qaraldy, dep jazdy rg.ru basylymy.