«Astrahan – Mańǵyshlaq» sý taratqyshyndaǵy apat joıyldy
ATYRAÝ. QazAqparat – «Astrahan – Mańǵyshlaq» sý taratqyshynda bolǵan apat joıyldy, dep habarlaıdy «QazAqparat» HAA tilshisi.
«Atyraý oblysynyń aýmaǵynda, Qulsary qalasynan 20 shaqyrym jerde «Astrahan – Mańǵyshlaq» sý taratqyshynda bolǵan apat joıyldy. Qazirgi ýaqytta sý qysymy santımetrine 33 kelige jýyqtady. Sý qubyry tolyp, sý Mańǵystaý oblysynyń Beıneý aýdanyna deıin jetti», - dep habarlady QazAqparatqa Qulsary munaı qubyry basqarmasynda.
Eske salaıyq, «Astarahan – Mańǵyshlaq» magıstraldyq sý taratqyshymen sý berý toqtatylǵan bolatyn.
«Magıstraldy sý taratqysh» JShS bas dırektorynyń óndiris jónindegi orynbasary Asqar Qultýmıevtiń aıtýynsha, avarııa Atyraý oblysynyń aýmaǵynda, Qulsary aýdany ortalyǵynan 20 shaqyrym jerde bolǵan. Oqıǵa ornynda 30 adam men 20 arnaıy tehnıka jumys istep jatyr. Apattyń basty sebebi – sý qubyrynyń tozýy.
Qubyr 1988 jyly salynǵan, sodan beri ábden eskirip, korrozııaǵa ushyraǵan.
Saldarynan Atyraý jáne Mańǵystaý oblysynyń jaqyn mańdaǵy birneshe eldimekeni ýaqytsha sýdan ajyratyldy.
Aıta keteıik, atalǵan sý taratqyshtyń jalpy uzyndyǵy 2 myń shaqyrymdy quraıdy. Reseıdiń Astrahan oblysymen shekaradaǵy Qıǵash ózeninen sý alynyp, osy taratqysh arqyly aýyldarǵa jetkiziledi.
