Astrahan qalasynyń meri Mıhaıl Stolıarov ustaldy
ASTANA. 13 qarasha. QazAqparat - Quqyq qorǵaý organdarynyń qyzmetkerleri Astrahan qalasynyń meri Mıhaıl Stolıarovty ustady, dep habarlady «RIA Novostı» RF ІІM baspasóz ortalyǵyna silteme jasap.
«Biz Astrahan qalasynyń meri ustalǵanyn rastaımyz», - dedi agenttik tilshisine bergen suhbatynda ІІM ókili, alaıda ol qandaı da bir qosymsha aqparat berýden bas tartty.
Qala meri, «Edınaıa Rossııa» partııasynyń múshesi Mıhaıl Stolıarov Astrahandy 2012 jyldyń basynan beri basqaryp keledi. Oǵan deıin M. Stolıarov qala basshysynyń mindetin atqarýshy boldy, al 2009 - 2011 jyldary Astrahan qalasynyń vıtse-meri qyzmetin atqarǵan.
«Astrahan qalasynyń meri Tergeý komıteti aınalysqan is materıaldary boıynsha ustaldy», - delingen agenttik aqparatynda.
