Astrahandaǵy úıdiń opyrylyp qulaýynyń saldarynan qaza tapqandardyń sany ósti
ASTANA. 28 aqpan. QazAqparat - Qutqarýshylar Astrahandaǵy turǵyn úıdiń qulaǵan kiresberisiniń úıindileri astynan qaza tapqan toǵyzynshy adamnyń denesin alyp shyqty. Bul týraly TJ ornynda qurylǵan jedel shtabtyń ókili habarlady, dep jazady Ýtro.rý.
«Qaza tapqan toǵyzynshy adamnyń denesi anyqtaldy, bul er adam», - dep baıandady jýrnalısterge shtab ókili.
Esterińizge sala keteıik, 2012 jyldyń 27 aqpanynda jergilikti ýaqyt boıynsha saǵat 13:10-nyń shamasynda bolǵan jarylys saldarynan Astrahan qalasyndaǵy alty kireberisi bar toǵyz qabatty úıdiń ekinshi kireberisi jáne úshinshi kireberisiniń bir bóligi tolyq opyrylyp qulady. Bastapqy kezde tergeý apatqa turǵyn úıdiń birinshi qabatynda ornalasqan dúkendegi turmystyq gazdyń jarylýy sebep boldy degen. Alaıda keıinnen ǵımarat sektsııasynyń qıraýyna úıdiń úshinshi qabatyndaǵy páterlerdiń birindegi turmystyq gazdyń jarylýy sebep bolýy múmkin degen tujyrym rastaldy.
