Astrahanda jarylystan zardap shekkenderdi baspanamen qamtamasyz etý úshin 350 mln.rýbl bólinedi
ASTANA. 2 naýryz. QazAqparat - Reseı Federatsııasynyń Úkimeti Astrahandaǵy jarylys saldarynan zardap shekkenderdi baspanamen qamtamasyz etý úshin 350 mıllıon rýbl bólý týraly sheshim qabyldady.
Taǵy 36 mln. rýbl shyǵyndardy óteý úshin jumsalady, dep málimdedi RF Úkimetiniń basshysy Vladımır Pýtın, dep jazady Ýtro.rý.
Premerdiń aıtýynsha, adamdarǵa qaıtys bolǵan árbir týysy úshin 1 mln. rýbl tólenedi. Densaýlyǵyna aýyr zaqym kelgen azamattarǵa 400 myń rýbl, jeńil zaqym alǵandarǵa - 200 myń rýbl tólenedi. Tolyq joǵaltylǵan múlik úshin - 100 myń rýbl, jarym-jartylaı bolsa - bir adamǵa 50 myń rýbl kóleminde aqsha tólenedi.
Esterińizge sala keteıik, dúısenbi kúni Astrahanda kópqabatty turǵyn úıde turmystyq gaz jarylyp, saldarynan kireberisterdiń biri tolyq opyrylyp qulady. Qaıǵyly oqıǵa on adamnyń ómirin qıdy.
