Astrahanda polıtseılerge jasalǵan shabýyl – «Islam memleketiniń» áreketi

ASTANA. QazAqparat - «Islam memleketi» lańkestik toby Astrahanda eki polıtseıdiń óltirilýi jáne Reseı gvardııasyna jasalǵan shabýyl úshin jaýapkershilikti óz moınyna aldy. 

Bul týraly sodyrlardyń qyzmetine monıtorıng júrgizetin SITE Intelligence Group uıymy habarlady, dep jazady Gazeta.ru .

Eske salaıyq, 4 sáýir kúni Astrahanda jol-kólik oqıǵasyna qatysýshylar apat ornyna jetken polıtsııa qyzmetkerlerin atyp óltirip, izderin sýytty. Keıin polıtseıler bes kúdiktini ustady, taǵy bes qylmysker qashyp úlgerdi.

6 sáýirge qaraǵan túni Astrahanda belgisiz adamdar avtomobıl salonynan Reseı gvardııasynyń úsh qyzmetkerine qarsy oq atty. Úsh quqyq qorǵaýshy jaraqattanyp, shabýyl jasaǵandardyń biri óltirildi.

Reseı gvardııasynyń jaýyngerleri arnaıy operatsııa sheńberinde osy eki shabýylǵa qatysy bar barlyq kúdiktiniń kózin joıdy.