Astrahanda qazaq basylymyn taratý usynyldy

ATYRAÝ-ASTRAHANЬ. QazAqparat - Astranhanda ótken Kaspıı medıaforýmynda Atyraý oblysy delegatsııasynyń ókilderi reseılik áriptesterine qazaq tilindegi baspasózdi taratý máselesin qaraýdy usyndy. Bul jaıly «QazAqparat» HAA tilshisi habarlaıdy.

«Astanada ótken Dúnıejúzi qazaqtary quryltaıynda Memleket basshysy Nursultan Nazarbaev shekaralyq óńirlerde, sonyń ishinde Astrahan oblysynda qazaqstandyq kontentti taratýdyń mańyzdylyǵyn atap kórsetken bolatyn. Bul óńirde 150 myńǵa jýyq qandasymyz turady, olar tarıhı otanyndaǵy oqıǵalarǵa qulaǵyn túrip otyr. Bizdiń osy oblystyń Qazaqstanmen shekaralas aýdandarynda Atyraý oblysynyń baspa BAQ-yn taratý týraly máseleni qaraýdy usynamyz», - dedi medıaforýmda sóz sóılegen Atyraý óńirlik kommýnıkatsııalar qyzmetiniń basshysy Serikjan Erementaev.

Eske sala ketsek, Kaspıı medıaforýmyna barlyq Kaspıımańy elderiniń memlekettik jáne jeke buqaralyq aqparat quraldarynyń ókilderi qatysýda.