Astrahan aýdanynda mal sharýashylyǵyn damytý boıynsha iri joba júzege asyrylýda
KÓKShETAÝ. QazAqparat - Aqmola oblysynyń Astrahan aýdanynda mal sharýashylyǵyn damytý boıynsha qolǵa alynǵan 2050 basqa arnalǵan shoshqa kesheni men jyldyq qýaty 5500 tonna et kombınaty bar iri joba júzege asyrylýda, dep habarlaıdy «QazAqparat» HAA tilshisi ákimdiktiń baspasóz qyzmetine silteme jasap.
«APK Bavaria product (AIC Bavaria product LLP)» JShS basshylyǵynyń aıtýynsha, atalǵan jobanyń quny 9 mıllıard teńgege baǵalanyp otyr. Osy kúni onyń 2 mıllıard teńgesi ıgerilgen. Jobanyń alǵashqy kezeńi aǵymdaǵy jyldyń qyrkúıek aıynda tapsyrylady. Al, tolyǵymen 2018 jyly aıaqtaý josparlanǵan. Jańa keshenniń iske qosylýy 100 jańa jumys ornyn ashýǵa múmkindik bermek. Bul óńirde mal sharýashylyǵyn damytý boıynsha qolǵa alynǵan 2050 basqa arnalǵan shoshqa kesheni men jyldyq qýaty 5500 tonna et kombınaty bar iri joba bolyp sanalady.
