«Aston Vılla» fýtbol klýbynyń burynǵy shabýylshysyn polıtsııa óltirdi
ASTANA. QazAqparat - Brıtandyq «Aston Vılla» fýtbol klýbynyń burynǵy shabýylshysy, 48 jastaǵy Delıan Atkınson elektroshok tapanshasymen atqannan keıin aýrýhanada kóz jumdy, dep habarlady VVS agenttigi.
Oqıǵa Teleford qalasynda bolǵan. Túngi saǵat 2 shamasynda polıtsııaǵa jeke turǵyn úıde adam ómirine qaýip tónip jatqany týraly «qońyraý» túsken.
Oqıǵa ornyna kelip jetken tártip saqshylary úıdegi er adamdy joǵary kerneýli elektrshok beretin tapanshamen atyp qulatty.
Er adam esin jımastan, saǵat túngi 3-terde qaıtys bolǵan.
Ol dúnıeden ótkennen keıin «Aston Vılla» klýbynyń Tvıtterdegi jeke paraqshasynda kóńil aıtyldy. Osydan keıin atalǵan klýbtyń tanymal oıynshylary jáne jankúıerler #RIPDalian heshtegi boıynsha kóńil aıtyp, Tvıtterde birikti.
