Aston Martin qyzmetkerleriniń 20%-yn qysqartýdy josparlap otyr

ASTANA. KAZINFORM — Qymbat avtokólikter shyǵaratyn Aston Martin Lagonda kompanııasy 40 mıllıon fýnt sterlıng únemdeý maqsatynda óz qyzmetkerleriniń 20%-yn jumystan shyǵarady, dep habarlaıdy Anadoly.

Ótken jylǵy qarjylyq nátıjelerin jarııalaǵan kompanııa 2025 jyly salyqqa deıingi shyǵyny 363,9 mıllıon fýnt sterlıng bolatynyn habarlady. Ótken jylǵy 289,1 mln fýntqa qaraǵanda shyǵynnyń ósýine AQSh tarıfteri men suranystyń tómendeýi áser etti.

— 2025 jyldyń basynda biz bolashaq josparlardy júzege asyrý úshin qajetti resýrstardy qamtamasyz etý maqsatynda uıymdyq ózgeristerdi bastadyq. 2025 jyldyń sońynda qosymsha ózgerister engizý týraly qıyn sheshim qabyldaýymyzǵa týra keldi. Sońǵy baǵdarlama bizdiń personaldyń 20%-yn jumystan shyǵarýǵa ákeledi, — dedi kompanııanyń basqarma tóraǵasy Loýrens Stroll óz málimdemesinde.

Ótken jyly kompanııa 170 qyzmetkerdi jumystan shyǵarǵanyn habarlaǵan edi, al qazir qyzmetkerler sany shamamen 3 myń adamdy quraıdy.

Budan buryn Germanııanyń Bosch kompanııasy 13 myń jumys ornyn qysqartatynyn jazǵan edik. Osylaısha, nemis ınjınırıng alyby eýropalyq avtomobıl naryǵyndaǵy daǵdarys sozylyp jatqandyqtan, jumys oryndaryn qysqartý 2,5 mıllıard eýro únemdeıdi dep úmittenedi.