Astyqty tereń óńdeýden álemniń úzdik 10 eline kirý úshin ne istelinip jatyr
ASTANA. KAZINFORM — Astyqty tereń óńdeıtin 6 iri joba júzege asyrylady. Bul týraly búgin Úkimet otyrysynda Aýyl sharýashylyǵy vıtse-mınıstri Azat Sultanov aıtty.
— Memleket basshysy astyqty tereń óńdeý ónimderin óndiretin jáne eksporttaıtyn álemniń jetekshi 10 eliniń qataryna kirý mindetin qoıdy. Osyǵan baılanysty, 2029 jylǵa deıin jalpy quny 4 mlrd AQSh dollary bolatyn, qýattylyǵy 5,8 mln tonnany quraıtyn 6 iri ınvestıtsııalyq jobany kezeń-kezeńimen iske asyrý josparlanǵan. Olardyń ishinde 2026 jyly júgerini tereń óńdeý boıynsha 2 joba iske qosyldy: Túrkistan oblysynda — «Qazkrahmal», Jambyl oblysynda — Fufeng Group kompanııalarynyń jobalary, — dedi ol.
Vıtse-mınıstr áleýmettik-ekonomıkalyq mańyzy joǵary qant qyzylshasyn qaıta óńdeý salasynda da jekelegen jumystar júrgizilip jatqanyn aıtty.
— Atap aıtqanda, eki qant zaýytyn jańartý jumystary da aıaqtaldy. Bul otandyq shıkizattan qant óndirý kólemin arttyrýǵa múmkindik beredi. Kóksý qant zaýyty qant qyzylshasyn óńdeý qýattylyǵyn táýligine 3 myń tonnaǵa deıin arttyryp jatyr. Jambyl oblysyndaǵy Taraz qant zaýytynda táýligine 3 myń tonna qant qyzylshasyn óndeıtin jeli iske qosylady. Eki joba boıynsha ınvestıtsııanyń jalpy kólemi 22,4 mlrd teńgeni quraıdy. Zaýyttardy iske qosý jáne qant qyzylshasyn qabyldaý jumystary qazan aıyna josparlanǵan, — dedi Azat Sultanov.
Buǵan deıin bıyl qýańshylyqqa qaramastan astyq túsimi kópjyldyq ortasha kórsetkishten joǵary bolatynyn jazǵan edik.
