Astyq pen un eksporty 8,9 mln tonnaǵa jetti

ASTANA. KAZINFORM — Ótken jyldyń osy kezeńimen salystyrǵanda 1 mln tonnaǵa artyq. Bul týraly AShM baspasóz qyzmeti habarlady. 

«Qazaqstan temir joly» UK» AQ derekterine sáıkes, 2025 jylǵy qyrkúıekten 2026 jylǵy naýryzǵa deıingi kezeńde astyq pen unnyń astyq balamasyndaǵy eksporty 8,9 mln tonnany qurady. Bul ótken jyldyń osy kezeńimen salystyrǵanda 1 mln tonnaǵa artyq (7,9 mln tonna).

Eksporttyń negizgi baǵyttary boıynsha oń dınamıka baıqalady.

Atap aıtqanda, Ózbekstanǵa jetkizilimder 14%-ǵa ósip, 6,6 mln tonnadan 7,5 mln tonnaǵa jetti.

Qyrǵyzstanǵa eksport 1,8 esege artyp, 194 myń tonnadan 354 myń tonnaǵa deıin kóbeıdi.

Aýǵanstanǵa jetkizilim kólemi 24%-ǵa ósip, 1,1 mln tonnadan 1,3 mln tonnaǵa jetti.

Túrikmenstanǵa eksport 1,5 esege ulǵaıyp, 94 myń tonnadan 145 myń tonnaǵa deıin artty.

Eksport kórsetkishteriniń ósýi syrtqy naryqtarda qazaqstandyq astyq ónimderine turaqty suranystyń bar ekenin jáne eksporttyq logıstıkany damytý boıynsha qabyldanǵan sharalardyń tıimdiligin kórsetedi.

Aıta ketelik astyq eksporty keıingi 20 jyldaǵy eń joǵary kórsetkishke jetkeni týraly jazǵan edik.