Asteroıd Jerge jaqyndap qaldy
ASTANA. QazAqparat - Eýropalyq ǵarysh agenttigi (EǴA) dıametri 15-30 metrdi quraıtyn asteroıdtyń jaqyndap kele jatqandyǵyn habarlady.
EǴA málimetinshe, asteroıd Jerge óte jaqyn - nebári 44 myń shaqyrymdaı qashyqtyqta ushyp ótedi. Sondaı-aq, ǵarysh nysanynyń bizdiń ǵalamsharymyzdyń janynan 12 qazan kúni ótetindigi aıtylǵan. Óz kezeginde France Press agenttigi asteroıdtyń kólemi úımen salystyrarlyqtaı ekendigin atap ótti.
EǴA málimetinshe, mundaı kólemdegi asteroıdtyń Jer atmosferasyna enýin 2013 jyly Chelıabide qulaǵan meteorıttiń saldarymen salystyrýǵa bolady.
«Asteroıdtyń arasy óte jaqyn», - dedi France Press agenttigine suhbat bergen ǵaryshtyq ushý basqarmasynyń eýropalyq ortalyǵynyń dırektory Rolf Desıng.
Astronomdar ázirge kózge kórinip turǵan ǵarysh nysanyn jáne onyń quramy jaıly meılinshe egjeı-tegjeıli zertteýdi josparlap otyr.
