Astanyń irgesindegi aýylda otbasylyq densaýlyq ortalyǵy ashyldy
KÓKShETAÝ. QazAqparat - Aqmola oblysynyń Tselınograd aýdanynda otbasylyq densaýlyq ortalyǵy ashyldy, dep habarlaıdy QazAqparat tilshisi.
Aýdan ákimdiginiń málimeti boıynsha, Qoıandy aýylynda ashylǵan ortalyq ornalasqan 2 qabatty ǵımaratty «Endohırýrgııa klınıkasy» seriktestigi óz qarajatyna jóndegen.
«Ortalyqta 25 dáriger maman jumys isteıdi. Eresekter men balalar ambýlatorııalyq-emhanalyq kómek, alǵashqy medıtsınalyq kómek, terapevt, endokrınolog, nevropatolog, oftalmolog, otolarıngolog, akýsherlik jáne gınekologııa, kardıologııa, nefrologııa, pedıatr kómegine júgine alady.
Respýblıkalyq sýbsıdııa retinde bólingen qarjy esebinen medıtsınalyq qyzmetter tegin kórsetiledi.
Sonymen qatar, joǵary sanatty hırýrg, ýrolog, ortoped-travmotolog keńes beredi. Qazirgi zamanǵa saı medıtsınalyq qural-jabdyqtarmen jabdyqtalǵan ortalyqta tirkeý, fıltr, pedıatr, qan tapsyrý, 5 orynǵa arnalǵan kúndizgi statsıonar, hımızator, ýltradybystyq zertteý kabıneti, akýsherlik jáne gınekologııa kabınetteri bar», deıdi aýdan ákimdigindegiler.
Ortalyqtyń ashylýy rásimine Tselınograd aýdanynyń ákimi Málgajdar Tátkeev qatysyp, dárigerler men aýyl turǵyndaryn quttyqtady.
