«AstanaPianoPassion» jeńimpazdaryna arnalǵan Kýboktyń nobaıyna baıqaý jarııalandy
ASTANA. 2 qazan. QazAqparat - «AstanaPianoPassion" Halyqaralyq klassıkalyq mýzyka festıvaliniń uıymdastyrýshylary jeńimpazdarǵa arnalǵan marapat músinshesiniń (kýbogynyń) nusqasyn jasaýǵa, sonymen qatar, "AstanaPianoPassion" jas pıanıstter baıqaýyna arnalǵan sahnany sándeý úlgisine ashyq shyǵarmashylyq baıqaý jarııalaıdy.
Úzdik jumystar baıqaýdy uıymdastyrýshylar komıtetinde ashyq daýys berý arqyly anyqtalady. Jeńimpaz qomaqty aqshalaı syılyqqa ıe bolady. Bul týraly astana.kz saıtyna baıqaýdy uıymdastyrýshylar habarlady.
Baıqaý syılyq ónimderiniń otandyq óndirýshileri jasaı alatyn kádesyı áleminiń sońǵy úrdisterine saı jáne "AstanaPianoPassion" baıqaýynyń jaǵdaıy men nıetine qanyq erekshe birtýma ıdeıalardy izdeý maqsatynda ótkizilmek.
«Usynylǵan materıaldardyń sapasyna erekshe kóńil bólinedi», - deıdi uıymdastyrýshylar.
Ótinishter 2013 jyldyń 20 qyrkúıeginen 20 qazanǵa deıin qabyldanady. Baıqaýdyń qorytyndysy 7 qarashada resmı saıtta jarııalanatyn bolady.
