Astananyń jylytý maýsymyna daıyndyǵy qandaı
«Qazirgi tańda Astana qalasy energııa keshenderiniń aldaǵy jylytý maýsymyna daıyndyǵy josparǵa sáıkes ótýde. 2018 jylǵy 2 qazandaǵy jaǵdaı boıynsha energııa kózderiniń daıyndyǵy 96, jylýmen jabdyqtaý jelileri 90, elektrmen jabdyqtaý 99, sýmen jabdyqtaý 94 paıyzdy quraıdy. Energııa kózderindegi otyn qory 20 táýlikten artyq ýaqytqa jetkilikti. Atap aıtqanda, kómir boıynsha 332 606 tonna, mazýt boıynsha 5770 tonna bar»,- dedi ol.
Onyń aıtýynsha, turǵyn úı daıyndyǵy 98, densaýlyq saqtaý nysandary 100, mádenıet nysandary 100, bilim berý nysandary 99 paıyzdy quraıdy. Qazirgi ýaqytta bir bilim berý nysanyn jylytý maýsymyna daıyndaý jumystary aıaqtalýǵa jaqyn.
«Búginde ótinish boıynsha 127 áleýmettik jáne mádenıet nysandary jylýmen jabdyqtaý júıesine qosyldy. Onyń ishinde 18 densaýlyq saqtaý nysany, 72 balabaqsha, 16 mektep, 11 oqý orny, 3 mádenıet nysany jáne 7 basqa da nysan bar», - dedi.
Sonymen qatar ol halyqty qatty otynmen qamtamasyz etý maqsatynda Astana qalasynyń ákimdigi kómirdiń jetkizilýine turaqty monıtorıng júrgizip otyr. 2-3 qazan kúnderi elordaǵa 28 vagon nemese 1942 tonna kómir jetkizildi. Onyń - 759 tonnasy Shubarkól, 907 tonnasy Maıkóbe jáne 276 tonnasy Qarajyr kómiri. Kómir baǵasy turaqty. Atap aıtqanda, qatty otyn satatyn jerlerde Shubarkóldiń bir tonnasy 13 500-14 500, Maıkóbe 12 500 myń, Qarajyra 14 000, Bogatyr 9500 teńgeden satylýda.
«Kómir naryǵyndaǵy jaǵdaı kún saıyn Astana qalasy ákimdiginiń baqylaýynda jáne turaqty qadaǵalaýynda. «І-kómek 109» jedel ortalyq qyzmeti bazasynda turǵyndarǵa arnalǵan jedel jeli quryldy. Aıta keterligi, Astana qalasynda jylytý maýsymyna daıyndyq jáne ótkizý erejelerine sáıkes jylytý maýsymy ortasha táýlikpen syrtqy aýa temperatýrasy + 10 gradýs jáne bes táýlik boıy saqtalǵanda bastalady», - dedi B.Baısadyqov.
