Astananyń jol polıtsııasy júrgizýshilerdi Jol-kólik oqıǵalary qurbandaryn eske alýdyń búkilálemdik kúnine arnalǵan aktsııaǵa qosylýǵa shaqyrady
ASTANA. 20 qarasha. QazAqparat /Gúlmıra Álıakparova/ - Astana qalasynyń Jol polıtsııasy basqarmasy elordanyń barlyq júrgizýshilerin erteń, 21 qarashada - Jol-kólik oqıǵalary qurbandaryn eske alýdyń búkilálemdik kúnine oraı uıymdastyrylyp otyrǵan aktsııaǵa qosylýǵa shaqyrady.
Jol-kólik oqıǵalary qurbandaryn eske alýdyń búkilálemdik kúni BUU Bas Assambleıasynyń qararyna sáıkes jyl saıyn qarasha aıynyń úshinshi jeksenbisinde atap ótiledi.
JPB osy kúni jol apattarynyń qurbandaryn eske alyp, olarǵa qurmet bildirý maqsatynda aktsııa ótkizedi. Aktsııaǵa barlyq júrgizýshilerge qosylyp, 21 qarasha kúni túski saǵat 12.00-de jaqynǵa túsiriletin jaryq berý farlaryn jaǵyp, dybys sıgnalyn basýdy suraıdy.
Aıta keteıik, jyl saıyn álemde jol-kólik oqıǵalarynan 1,2 mln. astam adam kóz jumady. Qazaqstanda bul kórsetkish jylyna 3 myń adamdy quraıdy, taǵy 17 myńy túrli jaraqattar alady.
