Astananyń jol polıtsııasy aýa raıynyń buzylýyna baılanysty aldaǵy kúnderi jekemenshik kólikpen júrmeýge keńes berdi
ASTANA. 18 aqpan. QazAqparat - Astananyń jol polıtsııasy aýa raıy jaǵdaıynyń buzylýyna baılanysty aldaǵy kúnderi jekemenshik kólikke otyrý qaýipti ekendigin eskertti.
«Astana qalasynyń Jol polıtsııasy júrgizýshilerge aldaǵy kúnderi jekemenshik kóliktermen júrmeýge keńes beredi. Sınoptıkterdiń boljamyna sáıkes, aldaǵy kúnderi Astanada aýa temperatýrasy kúrt tómendeıdi. Osy rette, júrgizýshiler jolda asa qyraǵy bolyp, jolda júrý erejelerin qatań saqtaýy tıis», - delingen taratylǵan habarlamada.
JPB-dan atap ótkendeı, kóktaıǵaq saldarynan shaǵyn jol-kólik apattary kóbeıip, jol qozǵalysy qıyndaýy múmkin.
