Astananyń jol polıtseıleri kásibı merekelerin atap ótti
ASTANA. 23 qarasha. QazAqparat /Gúlmıra Álıakparova/ - Búgin, 23 qarasha - Qazaqstan Jol polıtsııasynyń qurylǵan kúni.
1992 jyly dál osy kúni Qazaqstan Respýblıkasy Mınıstrler kabınetiniń qaýlysymen Memlekettik avtoınspektsııa (MAI) týraly alǵashqy ereje bekitildi.
1996 jyldyń 3 qańtarynda Memlekettik avtoınspektsııanyń ataýy Jol polıtsııasy bolyp aýystyrylyp, olardyń qyzmetterindegi basymdyqtar ózgertildi.
Astana qalalyq Jol polıtsııasy usynǵan málimetterge súıensek, 1992 jyly Tselınograd oblystyq atqarý komıteti MAI bóliminde barlyǵy 16 qyzmetker jumys istedi. Sol kezde jol tártibi saqshylarynyń qoldanysynda bir «Oral» mototsıkli men «Jıgýlı» avtomashınasy ǵana boldy. Búginde, 18 jyl ótkennen keıin Astananyń jol polıtsııasynyń jeke quramynda 600 qyzmetker men zamanaýı avtomotokólikterdiń 125 birligi bar.
Ozyq tehnıkalarmen jabdyqtaý, jol qaýipsizdigi boıynsha sońǵy tehnologııalardy engizý, udaıy ótkizilip otyratyn keshendi aldyn alý sharalary jol ústindegi apattardy eki esege deıin azaıtýǵa múmkindik berdi. Máselen, 2006 jyly elordada 651 jol-kólik oqıǵasy tirkelse, 2009 jyly ol kórsetkish 372-ge azaıdy. Aıta keteıik, Astana halqy (2006 jyly - 574 myń, 2009 jyly - 677 myń) men avtokólikter (2006 jyly - 127 myń, 2009 jyly- 206 myń) sanynyń qarqyndy artý úderisimen jol apattarynyń bolý qaýpi de arta túsýde.
JPB qyzmetkerleri búgingi kásibı merekelerin ardagerler men qyzmettik boryshtaryn atqarý barysynda qaza tapqan polıtseılerdiń jubaılaryna qurmet kórsetip, baǵaly syılyqtardy tapsyrýdan bastady. Óz kezeginde birqatar qyzmetkerlerge kezekti shender tabys etilip, belsendi jumystarymen erekshe kózge túskender marapattaýlarǵa ıe boldy.
Merekelik jıyn barysynda Jol polıtsııasy basqarmasynyń bastyǵy polkovnık Baqytgeldi Aıqymbekov barsha jol polıtseılerin búgingi merekelerimen quttyqtap, olardyń otbastaryna amandyq, denderine saýlyq, jumystaryna tabys tiledi.
