Astananyń jedel járdem qyzmetiniń dárigerleri Qazaqstanda úzdik ekenin dáleldedi (FOTO)
ASTANA. QazAqparat - Elordalyq jedel járdem qyzmeti Almatyda ótken respýblıkalyq jedel járdem brıgadalarynyń jarysynda jeńiske jetti. Bul týraly Astana qalalyq densaýlyq saqtaý basqarmasynyń baspasóz qyzmetinen habarlady.
Týrnırge Qazaqstannyń barlyq aımaǵynyń jedel járdem brıgadalary qatysty.
Jarys eki kezeńde ótti. Birinshisinde jedel járdem qyzmetiniń dárigerleri jedel qan tamyr sındromy, jol-kólik apaty kezindegi synyqtar sııaqty dıagnozdarmen naýqastardy qorǵap, balalar men eresekterdiń júregi jáne ókpesine renaımatsııa jasady, balany anafılaktıkalyq shoktan qorǵady.
Ekinshi kezeńde dárigerler úıde áıeldi bosandyrý, shaqalaqqa reanımatsııa júrgizý, bosanǵannan keıin qandy toqtatý boıynsha úzdigin anyqtady.
Mundaı jarystardy 10 jyldaı Lıtva eli uıymdastyryp keledi. Qazaqstandyq dárigerler ony elimizde ótkizýdi uıǵardy. Atap ótý kerek, qazylar alqasynyń quramyna Lıtva jedel járdem qaýymdastyǵynyń sarapshylary endi.
«Elordalyq dárigerler eldiń bas qalasynyń dárejesine laıyq ekenin kórsetti. Endi respýblıkada úzdik ekenimizdi aıta alamyz», - dedi Astana qalalyq jedel járdem qyzmetiniń bas dárigerdiń orynbasary Raýshan Moldabekova.
Búginde Astana qalalyq jedel járdem stansasynda 85 brıgada jumys isteıdi. Oǵan kún saıyn 2 000 shaqyrtý túsedi. 
