Astananyń jastar teatry jańa maýsymdy «Shyńǵyshanmen» ashady
ASTANA. QazAqparat - Elordadaǵy «Jastar» teatry jańa mereıtoılyq maýsymyn ashady, dep habarlaıdy qala ákimdiginiń saıty.
2 qazanda «Jastar» teatry Sh. Aıtmatov pen Á. Kekilbaevtiń «Shyńǵyshan» áfsanasymen óziniń mereıtoılyq H maýsymynyń shymyldyǵyn túredi. Qoıylym saǵat 19.00 bastalady. 2007 jyly «Jastar» teatrynyń alǵashqy maýsymy da dál osy qoıylymmen ashylǵan bolatyn.
Eske sala keteıik, 2010 jyly atalmysh qoıylym ІІІ Halyqaralyq Ortalyq Azııa elderiniń teatr festıvaline qatysyp, «Úzdik rejısser», «Úzdik Shyńǵyshan róli» atalymyndaǵy júldege laıyq dep tanylǵan.
Qoıylymnyń rejısseri - Qazaqstannyń eńbek sińirgen qaıratkeri, teatrdyń kórkemdik jetekshisi ári bas rejısseri Nurqanat Jaqypbaı. Spektakl qazaq tilinde qoıylǵan.
Jaqynda «Jastar» teatrynyń ártisteri HHІV Respýblıkalyq drama teatrlary festıvalinde óner kórsetti. Teatr J.P. Pılo men O. Shýltezdiń «Motsart» qoıylymymen (mıýzıkli) gran-prı aldy. Sonymen qatar, Brest qalasynda «Belaıa veja» HHІ halyqaralyq teatrlar festıvali aıaqtaldy. Sh.Aıtmatov pen Á. Kekilbaevtiń «Shyńǵyshan» spektakli úshin teatr ártisteri «Eń áserli qoıylym» syılyǵyn ıelendi.
