Astananyń jas voleıbolshylary RF Novosibir oblysynda ótken týrnırde jeńimpaz atandy
ASTANA. Maýsymnyń 16-sy. QazAqparat - Maýsymnyń 10-y jáne 14-i aralyǵynda RF Novosibir oblysyndaǵy Karasýk qalasynda 1995-1996 jyldary týylǵan bozbalalar men boıjetkender arasynda voleıboldan halyqaralyq týrnır bolyp ótti.
Qazaqstan astanasynyń ókilderi - qyzdar da, jigitter de saıysqa qatysqan on komandanyń ishinen sýyrylyp shyǵyp, birinshi oryndy qanjyǵalaryna baılady, dep habarlaıdy Astana qalalyq týrızm, dene tárbıesi jáne sport basqarmasynyń baspasóz qyzmetinen.
Barlyq sportshylar jattyqtyrýshylar K.Jaıdarov pen J.Birmaǵambetovtyń basshylyǵymen Astana qalasyndaǵy №5 balalar jáne jasóspirimder sport mektebinde tárbıelenýde.
Jattyqtyrýshylardyń aıtýynsha, bizdiń sportshylar saıystarda jaqsy oıyn órnegin kórsete bilip, basqa komandalardan oq boıy ozyq júrip otyrdy.
