Astananyń jas kıkboksshylary Reseıden 3 altyn, 3 kúmis jáne 2 qola medal oljalap qaıtty

Halyqaralyq týrnır 18-21 qarasha kúnderi 1992-95 jyldary týǵan jasóspirimder arasynda kıkboksıngtiń «A» sanaty boıynsha ótti. Baıraqty básekege Qazaqstannyń 8 qalasynan sportshylar qatysty. Astanadan barǵan jıyrma jastyń on ekisin №3 balalar men jasóspirimder sport mektebiniń jattyqtyrýshysy Danııar Shymyrov bastap bardy. Jarysta barlyǵy 300 sportshy óner kórsetti.

Týrnır kıkboksnıgtiń eki baǵyty boıynsha ótti - «fýll-kontakt» jáne «loý kık». Tartysty ótken dodanyń nátıjesinde D.Shymyrovtyń shákirtteri namysty qoldan bermeı, 12-siniń segizi ártúrli qundylyqtaǵy nagradalardy ıelenip qaıtty.

Atap aıtqanda, «loý kık» boıynsha - Nurdáýlet Muhı (54 keli), «fýll-kontakti» boıynsha - Elaman Turarov (51 keli) pen Aıadil Balǵazarov (54 keli) altynnan alqa taqty. Sondaı-aq «fýll-kontaktide» Serik Seıilbekov (57 keli), Azamat Dúımanov (60 keli) pen Saǵynysh Muhamedjanov (60 keli) - kúmis, Darhan Tóleqoja (45 keli) men Dáýren Medelbek (75 keli) - qola medaldarǵa qol jetkizdi.

Jekpe-jek alańyna eki márte shyǵyp, ekeýin de aıtarlyqtaı basymdyqpen utqan týrnır chempıony Nurdáýlet Muhıdyń aıtýynsha, reseılik sportshylardyń daıyndyqtary óte joǵary bolǵan. Sondyqtan básekeler óte qyzý ári tartysty ótti. Elordalyq jastarǵa 300 sportshynyń arasynanúzdik shyǵýlaryna olardyń buǵan deıingi jarystarda jınaǵan mol tájirıbesi setpigin tıgizdi. Máselen, N.Muhıdiń ózi sońǵy eki jylda qalalyq, respýblıkalyq jáne halyqaralyq deńgeıdegi jarystarda eki altyn, bir kúmis jáne bir qola medaldardy qanjyǵasyna baılaǵan.

Aldaǵy josparlarymen bólisken D.Shymyrov, Reseıden oralǵan shákirtteri aldaǵy 17 jeltoqsan kúni Astanada ıAkov Kalınınniń qurmetine ótetin halyqaralyq týrnırge (TMD elderi aýmaǵynda) daıyndyqqa kiriskenin aıtty.