Astananyń jas hokkeıshileri el chempıonatynda kúmis aldy
ASTANA. 15 sáýir. QazAqparat - Astanada 13 sáýirde 2003 jyly dúnıege kelgen balalar komandasy arasynda shaıbaly hokkeıden «B» tobynda Qazaqstan chempıonatyn aıaqtaldy.
9 sáýirde bastalǵan úshinshi týrdyń qorytyndysynan keıin jeńimpazdardy anyqtaý múmkindigi týdy. Bul týraly astana.kz saıtyna Astana qalasy Týrızm, dene tárbıesi jáne sport basqarmasynyń baspasóz qyzmeti málim etti.
«Barys» sporttyq klýby muz aıdynynda bes oıynda da jeńisti Óskemenniń «Torpedo-03» komandasy ýysynan shyǵarmady. Olar kezekti ret týrdyń qorytyndysy boıynsha eń kóp upaı jınap óz ustanymdaryn saqtap qaldy jáne Qazaqstan chempıony atandy.
Olarǵa 4:6 esebimen ese jibergen elordanyń komandasy kúmis medaldi qanaǵat tutty. Astanalyq «Alaý» komandasy tórt kezdesýde Óskemenniń «Torpedo-04-in» - 10:0, Bishkektiń «Ilbırsin» 7:1, Kókshetaýdyń «Býrabaıy» men Sátbaevtyń «Qazaqmysyn» 9:1 esebimen utty.
Qyrǵyzstannan kelgen «Ilbırs» úshinshi orynǵa shyqsa, qorytyndy týrda tórtinshi orynǵa taban tiredi. Alaıda buryn alǵan upaılarynyń arqasynda ózderiniń júldeli oryndaryn saqtap qaldy.
Tórtinshi orynda Aqmola oblysynyń «Býrabaıy», besinshi orynda - «Torpedo-04».
