Astananyń jaryqsyz qalýyna baılanysty arnaıy tergeý komıssııasy quryldy

dep habarlaıdy QazAqparat.

Apatty jaǵdaı JES-2 kesheninde oryn alǵan tehnıkalyq aqaýlyqtan boldy degen derek bar. «KEGOC» AQ-nyń baspasóz qyzmeti habarlaǵandaı, qańtardyń 23-i kúni JES-2 kesheninde belgisiz sebeptermen elektr qýat kózderin óndirý kólemi azaıtyldy. Biraq qalanyń energııany tutyný mólsheri tómendegen joq. Osynyń nátıjesinde elektr energııasyn retteıtin transformatorlar avtomatty túrde óz jumysyn toqtatty. Al JES-2 kesheniniń eksplýatatsııa jónindegi bas ınjenerdiń orynbasary Asqar Omarovtyń sózine qaraǵanda, stansyda oryn alǵan tehnıkalyq aqaýlyqty joıý maqsatynda kúndizgi saǵat 16:00-de qazandyqtyń jumysy toqtatylǵan. Biraq eki saǵattan keıin qazandyq qaıtadan iske qosyldy. Al jarty saǵattan keıin Astana jáne qalaǵa irgeles jatqan eldi mekender jaryqsyz qaldy.

Qazirgi kezde osy oqıǵa boıynsha arnaıy memlekettik tergeý komıssııasy quryldy. On kúnniń ishinde máseleniń mán-jaıy anyqtalyp, tergeý qorytyndysy jarııalanatyn bolady.