Astananyń Jańa ýnıversıtetine oqýǵa túsý úshin úmitkerlerdi qabyldaýdyń 3-shi kezeńi bastaldy

Bul týraly búgin jýrnalıstermen bolǵan brıfıngte atalmysh Ýnıversıtettiń Stýdentter isteri jónindegi basqarýshy dırektory Stıven Grın málim etti , dep habarlaıdy QazAqparat.

Onyń málimetterine qaraǵanda, Jańa ýnıversıtetke túsý úshin aldymen aǵylshyn tilin meńgerý deńgeıi boıynsha emtıhan tapsyrý kerek. Ekinshiden, IELTS testi tapsyrylady. Bul test boıynsha tek úzdik shyqqandar ǵana qabyldanady. Al úshinshi synaq, negizgi pánder boıynsha qabyldanady. Osy synaqtarǵa qarap, komıssııa ókilderi tıisti sheshim shyǵarady. «Ýnıversıtetke túsýge nıet bildirgen úmitkerlerdi qabyldaýdyń 1-shi jáne 2-shi kezeńderi bıylǵy jyldyń mamyr men maýsym aılarynyń aralyǵynda júrdi. Atalmysh kezeńder boıynsha 3 myń úmitker qujattaryn tapsyrdy. Endi olardyń tek eń úzdik 500-i ǵana iriktep alynady», dedi Basqarýshy dırektor.

Astananyń Jańa ýnıversıtetin ashý rásimi bıylǵy jyldyń shilde aıyna josparlanyp otyr. Atalmysh oqý ornynda stýdentter álemniń úzdik ýnıversıtetteriniń baǵdarlamasy boıynsha aǵylshyn tilinde bilim alady.