Astananyń jańa temirjol vokzaly otandyq jıhazben jabdyqtalady
ASTANA. QazAqparat - Astananyń jańa temirjol vokzalynyń jolaýshylarǵa jáne vokzaldyń jeke qyzmetkerlerine arnalǵan jerlerde qazaqstandyq óndirýshilerdiń jıhazdary ornalastyrylady, dep málimdedi QTJ ulttyq kompanııasynyń baspasóz qyzmeti.
«Naryqqa júrgizgen saraptamamyzda qazaqstandyq óndirýshilerdiń baǵasy sheteldikterge qaraǵanda birshama arzan ekendigine kózimiz jetti», - dedi «QTJ» UK» AQ Іri jobalar dırektsııasynyń bas ınjeneri Igor Gaıdýk.
Shilde aıynyń basynda vokzal qurylysynyń bas merdigeri «Sembol» kompanııasy men Jıhaz jáne aǵash óńdeý ónerkásipteri qaýymdastyǵy arasynda áriptestik týraly kelisim jasalyp, jumys komıssııasy quryldy, jazady pm.kz.
«Astana jańa temirjol vokzaly - ulttyq joba, elordamyzdyń qaqpasy. Bizdiń kásiporyndarymyz úshin bul jobaǵa qatysý - zor mártebe!», - dedi Jıhaz qaýymdastyǵynyń resmı ókili Qanat Ybraev.
